Hinglish RSS Feed
Subscribe Magazine on email:    

kangana ki manmarji

kangana attitude


17 july 2012

film industri me manmarji karane wale kalakaron ki kami nahin hai. isamen naya nam kangana ranaut ka jud gaya hai. khabar hai ki madhuri dikshit starar dedh ishkiya me unhonne aaitam song ko lekar bawal macha diya. unhonne jabardasti madhuri dikshit ke sath apana aaitam nanbar judawaya.

charcha hai ki madhuri ka rol film me kafi prabhawi hai, aise me kangana ko laimalait me n aa pana khal raha tha. is wajah se unhonne nirdeshak abhishek chaube se kahakar ek gane me madhuri ke sath aaitam song karane ki mang rakh di. pahale to abhishek na-nukur karte rahe, lekin kangana ka rawaiya n badalane par unhen hami bharani padi.

abhishek chaube ne kafi mathapachchi ke bad is film ke lid rol ke liye madhuri dikshit ka nam fainal kiya tha. jin logon ne film ishkiya dekhi hai, unhen pata hai ki widya balan us film me lid kiradar me thin aur yah do abhinetriyon ki kahani nahin thi. film ki unit se jude sutron ki manen, to ab kangana ko kaun samajhaye ki madhuri thahari trend dancer, jo apani adaon se pichhale kaee salon se darshakon ko mugdh karati aa rahi hain. aise men kangana kis had tak madhuri ke sath thumake laga payengi yah to wakt batayega?

waise kangana ki manamarji bardasht karane ki doosari wajahen bhi samane aa rahi hain. kaha ja raha hai ki film ke nirdeshak abhishek chaube ko we behad bha chuki hain. abhishek unake karib aane ki koshish me lage rahate hain. isiliye unhonne kangana ki mang turant man li.

More from: Hinglish
31880

ज्योतिष लेख