kareena ki Shadi is desh ya videsh

17 july 2012

mumbai. Saif ali khan ne kareena kapoor se is saal ke aakhir me shadi karne ka khulasa kiya hai, lekin tarikh abhi tay nahin huee hai. saif ne yah bhi saf kiya ki shadi london me nahin hogi, jaisa ki kuchh atakalen thi.

kuch din pahale hi saif ki maa sharmila tagore ne kaha tha ki unka beta 16 october ko pataudi gaoo ke pataudi palace me kareena ke sath vivha bandhan men bandhega. halanki 41 varshiy saif ne kaha ki shadi abhi nahi hone ja rahi jaisa ki khabaro me aaya tha.

unhone kaha ki mainne abhi tak shadi ke liye koi tarikh tay nahi ki hai. yah sal ke aakhir me hogi. jab saif se pucha gaya ki unki shadi hindu riti-riwaj se hogi ya wah paramparagat tarike se nikah karenge to unhone kaha ki yah bahut niji vishay hai. main is bare me baat nahi karna chahata. shadi bharat me nahi hone aur london me hone ki khabaro ko kharij karate huye saif ne kaha ki shadi london me nahi hogi, yah to nishchit hai. iske alawa shadi ke bare me koi janakari main abhi nahi de sakta. yah hamara niji mamala hai.

saif-kareena panch sal se sath hain aur unke rishto me majbuti barkarar dikhye deti hai. shadi ki atkalo ke bich dono ne apni film Ajent Vinod ke release ke samay is sal ki shuruaat me vivha ki bat kahi thi lekin aisa nahi hua. isake bad march-april ke dauran bhi shadi ki bat aaee, lekin tarikh ko lekar anishchitata bani rahi.

bad men june me sharmila tagore ne kaha ki saif-kareena 16 october ko shadi karenge. saif ke apani phali patni amrta sinh se do bachche hain. unake bete ka nam ibrahim aur beti sara hai. dono ne 1991 men shadi ki thi aur bad me alag ho gaye. kareena kapoor ke jeevan me bhi saif se pahale shahid kapoor the, lekin teen sal tak sath nibhane ke bad dono alag ho gaye. pichale sal september me saif ke pita mansoor ali khan pataudi ka nidhan ho gaya, jiske bad unhe aupacharik taur par pataudi ke dasawen nawab ka khitab diya gaya.

filahal saif apani haliya release cocktail ki safalta ki khushi mana rahe hain. 13 july ko pradarshit hui is film ne pahale teen din men karib 36 crore ka vyavsay kiya.